wiär wünsche
(m. sterren / m. sterren)

wiär wünsche diär nid alli möglichu gabe
wiär wünsche diär nur was d’meischtu nid chännunt hä
wiär wünsche diär zit ver dich z’fröiu und zum lachu
und wennd schi nutzusch chasch vil drus machu

wiär wünsche diär zit ver diis tüä und diis deichu
nid nur ver dich sälbsch nei öi zum verscheichu
wiär wünsche diär zit nid zum haschtu und zum rännu
sondern di choschtbari zit zum z’fridusii chännu

wiär wünsche diär zit nid nur so zum vertriibu
wiär wünsche schii mäge diär lang lang verbliibu
verbliibu als zit zum glöibu und zum vertruwu
doch wennt züä uf d’ühr lüägsch geit di zit vil z’schnäll verbii ja de bisch z’letscht gruwu

wiär wünsche diär zit ver nah de schtärna z’griiffu
und zit zum waxu um richtig z’riifu
wiär wünsche diär zit um nöi z’hoffu und um z’liäbu
nei äs het kei sinn di güäti zit z’verschiäbu

wiär wünsche diär zit ver z’diär sälber z’findu
jede tag jedi stund als glück z’empfindu
wiär wünsche diär zit ver andre irusch schuld z’vergäbu
wiär wünsche diär zit zit ver richtig z’läbu