ich bi bereit
(m. sterren / m. sterren)

ich töichu wider mal i in denu fluss womi zrug triibt
derbii hani doch glehrt dass mu nach vorina lüägt
ich weiss dass mu durch d’verganguheit ufer schtrecki bliibt
derbii hani mi an ihra immer vergniägt

und jetz merkis und jetz xeenis und jetz is wider so wit
und jetz merkis und jetz xeenis jetz isch schii wider cho di zit
wo miär äs zeichu gid

ich bi bereit ver alles wo chund und wider geid
ich bi bereit ver alles wo vor miär schteid
ja miis fäll isch öi scho dicks gnüäg und ich wartu hiä uf ew
ich bi bereit

scho äs paar mal bini unner gangu in dem fluss wo rückwärz fliässt
doch immer wider üferschtannu ver miini fehler gibiässt
ich ha z’läbu eifach gläbt ohni ind richtig richtig z’gah
nach perfektion hani gschträbt ohni z’wissu wiso
und jetz chas los gah

ich bi bereit ver alles wo chund und wider geid
ich bi bereit ver alles wo vor miär steid
ja miis fäll isch öi scho dicks gnüäg und ich wartu hiä uf ew
ich bi bereit

ja wiä di geier sind schii los uf d’lit wo d’fahna uf halb mascht hend
ja schii nutzund gäru die schlächti zit vo dene wo im rägu schtehnt
kritike sind ja güäd und rächt doch nur wend eppis lehrsch derbii
nummu sägu dü bisch eifach schlächt nei mit dem is jetz verbii
und jetz chas los gah

ich bi bereit ver alles wo chund und wider geid
ich bi bereit ver alles wo vor miär schteid
ja miis fäll isch öi scho dicks gnüäg und ich wartu hiä uf ew
ich bi bereit
ich bi bereit
ich bi bereit