schwarz wiis
(m. sterren / m. sterren)

miini gedanku verliärund schich im blick inu see
miis schpiäglbild isch zwar da doch ich bi niäna meh
xee der wäg woni nu müäss gah ha än riisu schiss
xee denu fremdu wo da hockt und uberleid s'isch alles schwarz wiis

und ich weiss so geiz nid witer äs gid so vil woni nu müäss tüä
ja ich weiss so geiz nid witer ich hocku hiä und machu miini öigu zuä

und de xeenis wider bunt wiäs chännti sii
schtund ver schtund immerhi
de deichi druber nah das läbu isch doch miis
ich lahmi nid lah gah s'isch doch nid schwarz wiis

ha eiguntlich gar kei grund das miär schlächt sellti gah
ha doch alles woni will alls woni nur will ha
warum geiz miär so ha uberleid und ha du unnerschid xee
vo dem schwarz wiis zum bunt s'isch himmelwit und das hiä üssa am see

und ich weiss so geiz witer äs gid so vil woni nu cha tüä
ja ich weiss so geiz witer ich hocku hiä und machu miini öigu zuä

und de xeenis wider bunt wiäs chännti sii
schtund ver schtund immerhi
de deichi druber nah das läbu isch doch miis
ich lahmi nid lah gah s'isch doch nid schwarz wiis